ຄວາມຈິງແລ້ວ, ເອື້ອຍນິນເປັນໝູ່ເອື້ອຍຂ້ອຍ ໝູ່ໃນກຸ່ມສາວຄານທອງ
ແຕ່ຍ້ອນວ່າພໍ່ແມ່ເອື້ອຍນິນເຄີຍຢູ່ບ້ານດຽວກັບພໍ່ເຖົ້າ-ແມ່ເຖົ້າຂ້ອຍ
ຈຶ່ງນັບຖືຮັກແພງກັນເໝືອນຍາດພີ່ນ້ອງດຽວກັນໃນບ້ານເພິ່ນເມືອງທ່ານ.
ເມື່ອ 7-8 ປີກ່ອນ ມີພີ່ນ້ອງມາຢາມພ້ອມດ້ວຍໝູ່ຄົນນຶ່ງ, ອ້າຍນີ້ເປັນໝ້າຍ
ມັກເອື້ອຍນິນ ບອກວ່າ ເອື້ອຍນິນຄີງບາງ ຮ່າງນ້ອຍ ນ່າຮັກດີ ແລະ ເອື້ອຍນິນ
ກໍ່ບໍ່ລັງກຽດທີ່ຈະໃຫ້ເອົາ. ເອົາກັນໄດ້ລູກນຶ່ງກໍ່ເກີດຄວາມເບື່ອໜ່າຍ ອ້າຍນັ້ນວ່າ
ເອື້ອຍນິນຕັນຫາແຮງໂພດ ສີ້ໄປຮະຮາມສາມສີ່ ແຕ່ບໍ່ໄດ້ເວົ້າອອກມາດອກວ່າສີ້ໃຜ
ຄົນສ່ວນຫລາຍແນໃສ່ລູກຊາຍນ້າທີ່ມີອາຍຸລຸ້ນລາວຄາວດຽວກັບເອື້ອຍນິນຫັ້ນລະ
ເຂົາມີໂອກາດໄດ້ຢູ່ນຳກັນມື້ລະຫລາຍຊົ່ວໂມງຕອນອ້າຍນັ້ນໄປເຮັດວຽກ.
ຢາກຝັນເຫັນນ້ອງໃພ້ຄົນອື່ນຢູ່ດອກ ແຕ່ບໍ່ໄດ້ນັ່ງເບິ່ງນອນແຍງເຂົາຫລາຍ
ກໍ່ເລີຍບໍ່ຝັນຫາ, ສຳລັບນ້ອງໃພ້ຄົນນີ້ ເຫັນໜ້າ ແຍງກົ້ນມື້ລະຫລາຍຊົ່ວໂມງ
ແຖມຍັງໄດ້ເວົ້າ ໄດ້ລົມ ແລະ ໄດ້ເຮັດກິດຈະກຳຮ່ວມກັນເລື້ອຍ ກໍ່ເລີຍຝັນ
ຝັນໄປຕາມປະຊາໜຸ່ມໂສດນີ້ລະ ຄືນປຽກ ຄືນແຫ້ງສະຫລັບກັນໄປ.
