LaoForum ລາວໂຟຣາມ ເວບໄຊເພື່ອຄົນລາວ

ຜູ້ນຳ ຊາວມົ້ງ ແລະ ກຸ່ມທີ່ສນັບສນູນ ທີ່ທຳການປະທ້ວງ ຕໍ່ໜ້າ ໂຮງການເມືອງ ເມືອງ ມຽວວອກກີ (Milwaukee) ຣັຖ ວິດສ໌ກ໊ອນຊິນ (Wisconsin) ອີກໃໝ່ ໃນມື້ ວັນອັງຄານ ນີ້ ເພື່ອຕ້ອງການ ຄຳຂໍໂທດ ຈາກເຈົ້າເມືອງໆດັ່ງກ່າວ. ທ່ານ ທອມ ບາແຣ໊ຕ (Tom Barrett) ແລະ ຫົວໜ້າ ຕຳຣວດ ທ່ານ ເອດເວີດ ຟລິນ໌ (Edward Flynn) ໃນການໃຊ້ຄວາມເວົ້າ ທີ່ບໍ່ເໝາະສົມ ໃນການຕອບໂຕ້ ການປະທ້ວງ ໃນການຈັບກຸມ ຄົນມົ້ງ ວ່າງເດືອນກອ່ນ. ນອກຈາກນັ້ນ ຊາວມົ້ງ ກຸ່ມດັ່ງກ່າວ ຍັງໄດ້ ຮຽກຮ້ອງ ໃຫ້ທາງການ ຣັຖ ວິດສ໌ກ໊ອນຊິນ ປະຕິບັດ ຕໍ່ປະຊາຄົມ ຊາວມົ້ງ ຢ່າງເປັນທັມ, ປາສຈາກ ການດູຖູກ ດູມິ່ນ ເຊື້ອຊາດ ເຜົ່າພັນ.

ເຮື້ອງຣາວ ມີຢູ່ວ່າ ວ່າງເດືອນກຸມພາ ທີ່ຜ່ານມາ, ເຈົ້າໜ້າທີ່ ຕຳຣວດ ທີ່ເມືອງ ວິດສ໌ກ໊ອນຊິນ ໄດ້ຈັບ ນາຍ ຄົວມົວ (Koua Moua) ອາຍຸ 40 ປີ ຖານຂັບຣົຖ ດ້ວຍຄວາມມຶນເມົາ. ທາງການ ຕຳຣວດ ໃຫ້ການວ່າ ນາຍ ກົວມົວ ປະຕິເສດ ແລະຕ້ານການຈັບກຸມ ຈຶ່ງມີ ການທະເລາະກັນຂື້ນ. ເຈົ້າໜ້າທີ່ ຢ້ານ ຄວາມບໍ່ປອດພັຍ ຈື່ງໃຊ້ ວີທະຍຸ ຕຳຣວດ ຕີ ນາຍ ກົວມົວ, ເຮັດໃຫ້ລາວ ໄດ້ຮັບ ບາດເຈັບ ທີ່ດັງ ແລະ ຕາ, ຍີບ 10 ເຂັມ. ຈຶ່ງເຮັດໃຫ້ ປະຊາຄົມ ຊາວມົ້ງ ບໍ່ພໍໃຈ ຈຶ່ງມີ ການປະທ້ວງ ເກີດຂຶ້ນ, ຕູ່ວ່າ ເຈົ້າໜ້າທີ່ ຕຳຣວດ ໃຊ້ມາຕການ ທີ່ຮຸນແຮງ ເກີນໄປ ໃນການຈັບກຸມ ຈຶ່ງຕ້ອງການ ຄວາມເປັນທັມ ຈາກທາງການ; ແຕ່ແທນທີ່ ຈະໃຫ້ ຄວາມເປັນທັມ, ເຈົ້າເມືອງ ໆ ມຽວວອກກີ ແລະ ຫົວໜ້າ ຕຳຣວດ ເມືອງດັ່ງກ່າວ ພັດກ່າວ ຕໍ່ສື່ມວນຊົນວ່າ ການກະທຳ ຂອງເຈົ້າຫນ້າທີ່ ຕຳຣວດ ໃນມື້ນັ້ນ ເປັນ ການເໝາະສົມ ແລະ ກໍ່ຖືກຕ້ອງ ຕາມກົດເກນ ຕ່າງໆ ຂອງເຈົ້າຫນ້າທີ່ ເພາະປ້ອງກັນ ຄວາມປອດພັຍ ຕົວເອງ ໃນເວລານັ້ນ; ແຕ່ ທ່ານ ໃຊ້ຄຳເວົ້າ ທີ່ວ່າ ກົມຕຳຣວດ ບໍ່ແມ່ນ ກະສອບຊາຍ ສຳລັບ ການຕົບຕ່ອຍ ຈາກກຸ່ມຄົນ ກຸ່ມໃດກຸ່ມນຶ່ງ. ຜູ້ທີ່ຢາກສ້າງ ວິມານ ຈາກເຫດການ ທີ່ເປັນອັນຕຣາຍ ແກ່ຊີວີດ ຂອງເຈົ້າໜ້າທີ່ ຕຳຣວດ. ຄຳເວົ້າ ດັ່ງກ່າວ ສ້າງຄວາມ ບໍພໍໃຈ ແກ່ຊາວມົ້ງ ເປັນອັນມາກ ຈຶ່ງຕ້ອງການ ການຂໍໂທດ.

From RFA.org