LaoForum ລາວໂຟຣາມ ເວບໄຊເພື່ອຄົນລາວ

Members Login

Post Info

TOPIC: ຮູບແບບການລົງທຶນຂອງໂຄງການສ້າງຕົວເມືອງໃໝ່

Admin

Senior Member

Status: Offline

Posts: 106

Date: Apr 20, 2008

ຮູບແບບການລົງທຶນຂອງໂຄງການສ້າງຕົວເມືອງໃໝ່	Permalink

ຜູ້ທີ່ໄດ້ຮັບຟັງການເຜີຍແຜ່ກ່ຽວກັບໂຄງການພັດທະນາແບບກວມລວມ ຫຼື ໂຄງການສ້າງຕົວເມືອງໃໝ່ບຶງທາດ ຫຼວງ ຢູ່ນະຄອນຫຼວງວຽງຈັນ ກໍຄົງຈະເຂົ້າໃຈດີແລ້ວວ່າ ຈຸດປະສົງ ແລະ ລະດັບຄາດໝາຍ ຫຼື ແນວທາງຂອງພັກ-ລັດຖະ ບານ ຕໍ່ການພັດທະນາປະເທດຊາດ ໂດຍສະເພາະແມ່ນນະຄອນຫຼວງວຽງຈັນ ແມ່ນເພື່ອຫຍັງກັນແທ້. ທາດແທ້ຂອງໂຄງການ ແມ່ນເພື່ອສ້າງໃຫ້ນະຄອນຫລວງວຽງຈັນ ເປັນໄປຕາມ 6 ສໍ ຄື: ສະຫງົບສຸກ ສີຂຽວ ສະອາດ ສະຫວ່າງ ສີວິໄລ ແລະ ສະເໜ່ ສະນັ້ນ ຫາກໂຄງການນີ້ສຳເລັດເມື່ອໃດ ແນ່ນອນ ຢາກຫລືບໍ່ຢາກ ແມ່ນຈະເຮັດ ໃຫ້ນະຄອນຫລວງວຽງຈັນ ເພີ່ມຄວາມທັນສະໄຫມ ແລະ ສີສັນແຫ່ງການພັດທະນາ ສົມກັບເປັນເມືອງເອກຂອງປະເທດ ລາວເຮົາ ເພື່ອຢາກໄດ້ຄືແນວນັ້ນ ລັດຖະບານລາວ ຈຶ່ງພະຍາຍາມຊອກຫາທຶນຮອນດ້ວຍຫຼາຍຮູບຫຼາຍສີ ໂດຍສະເພາະ ແມ່ນຊຸກຍູ້ໃຫ້ນັກລົງທຶນຕ່າງປະເທດເຂົ້າມາລົງທຶນ. ສະເພາະໂຄງການສ້າງຕົວເມືອງໃຫມ່ ຢູ່ນະຄອນຫລວງວຽງຈັນ ແມ່ນໂຄງການລົງທຶນຂອງລັດຖະບານລາວ ເຮົາ ໂດຍການນຳໃຊ້ທີ່ດິນໃຫ້ເປັນທຶນ ຊຶ່ງໃນນີ້ແມ່ນອົງກອນບໍລິຫານງານຮ່ວມ ຫລື ບໍລິສັດຮ່ວມທຶນ ລາວ-ຈີນ ເປັນຜູ້ ຮັບຜິດຊອບໃນການລົງທຶນພັດທະນາໂຄງການທັງຫມົດ ດັ່ງທີ່ໄດ້ກຳນົດໄວ້ຢູ່ໃນສັນຍາແມ່ ບໍລິສັດຮ່ວມທຶນ ລາວ-ຈີນ ແມ່ນປະກອບດ້ວຍ 2 ພາກສ່ວນຕົ້ນຕໍ ຄື: ວິສາຫະກິດຂອງຝ່າຍລາວ ແລະ ວິສາຫະກິດຂອງຝ່າຍຈີນ ໃນນີ້ ວິສາຫະກິດ ຂອງຝ່າຍລາວພວກເຮົາ ລັດຖະບານໄດ້ຕົກລົງມອບໃຫ້ລັດວິສາຫະກິດພັດທະນາ ແລະ ບໍລິການທີ່ດິນ ເປັນຜູ້ເຂົ້າຮ່ວມໃນ ການຄຸ້ມຄອງ-ບໍລິຫານໂຄງການ ສ່ວນວິສາຫະກິດຂອງຝ່າຍຈີນ ແມ່ນປະກອບດ້ວຍ 3 ບໍລິສັດ ຄື: ບໍລິສັດລົງທຶນຕ່າງປະ ເທດນິຄົມອຸດສາຫະກຳຊູໂຈ ຈຳກັດ ບໍລິສັດລົງທຶນພັດທະນາຕົວເມືອງຊູໂຈ ຈຳກັດ ແລະ ກຸ່ມບໍລິສັດວິສະວະກຳກໍ່ສ້າງ ຢູນນານ. ບໍລິສັດຮ່ວມທຶນລາວ-ຈີນ ແມ່ນໄດ້ຮັບການສ້າງຕັ້ງຂຶ້ນບົນພື້ນຖານລະບຽບກົດຫມາຍຂອງ ສປປ ລາວ ຊຶ່ງດຳ ເນີນການ ແລະ ເຄື່ອນໄຫວທຸລະກິດໃນຮູບແບບບໍລິສັດ ຈຳກັດ ຕາມທີ່ໄດ້ກຳນົດໄວ້ໃນຂີດຫນ້າຫນຶ່ງ ຂໍ້ 2 ມາດຕາ 11 ຂອງກົດຫມາຍວ່າດ້ວຍວິສາຫະກິດ ສະບັບເລກທີ 11/ສພຊ ລົງວັນທີ 9 ພະຈິກ 2005 ມູນຄ່າການລົງທຶນໃນເບື້ອງຕົ້ນ ຂອງບໍລິສັດຮ່ວມທຶນລາວ-ຈີນ ແມ່ນ 300 ລ້ານໂດລາສະຫະລັດ ໃນນັ້ນປະກອບເປັນທຶນຈົດທະບຽນ 100 ລ້ານໂດລາ ສະຫະລັດ ແລະ ຄາດວ່າມູນຄ່າການລົງທຶນຂອງບໍລິສັດອາດຈະເພີ່ມຂຶ້ນເປັນ 800 ລ້ານໂດລາສະຫະລັດ ໂດຍອີງຕາມ ຄວາມຄືບຫນ້າຂອງໂຄງການແຕ່ລະໄລຍະ ປະເພດກິດຈະກຳ ໃນການດຳເນີນທຸລະກິດຂອງບໍລິສັດຮ່ວມທຶນລາວ-ຈີນ ແມ່ນລົງທຶນໃສ່ໃນການກໍ່ສ້າງພື້ນຖານໂຄງລ່າງທັງຫມົດ ພາຍໃນຂອບເຂດຕົວເມືອງໃຫມ່ ເພື່ອນຳໃຊ້ເຂົ້າໃນການດຳ ເນີນກິດຈະການຕ່າງໆ ເຊັ່ນ: ທີ່ຢູ່ອາໄສ ອຸດສາຫະກຳສະອາດ ການຄ້າ ການບໍລິການ ການສຶກສາ ສາທາລະນະສຸກ ແລະ ອື່ນໆຢູ່ໃນເຂດຕົວເມືອງໃຫມ່ ຕາມລະບຽບກົດຫມາຍຂອງ ສປປ ລາວ ອະນຸຍາດ ສຳລັບອັດຕາສ່ວນຫຸ້ນຂອງແຕ່ລະ ຝ່າຍ ແລະ ລະບຽບການຄຸ້ມຄອງບໍລິຫານບໍລິສັດຮ່ວມທຶນນັ້ນ ແມ່ນໄດ້ກຳນົດສະເພາະຢູ່ໃນສັນຍາຮ່ວມທຶນ ແລະ ກົດລະ ບຽບຂອງບໍລິສັດ ບັນດາເອກະສານທັງຫມົດເຫລົ່ານັ້ນ ແມ່ນລ້ວນແລ້ວແຕ່ສ້າງຂຶ້ນພາຍໃຕ້ລະບຽບກົດຫມາຍຂອງ ສປປ ລາວ. ຈາກ ວຽງຈັນໃໝ່ ວັນທີ່ 28.02.2008 __________________

Anonymous

Date: Apr 29, 2013

RE: ຮູບແບບການລົງທຶນຂອງໂຄງການສ້າງຕົວເມືອງໃໝ່	Permalink

ທ່ານສົມສະຫວາດ ເລັ່ງສະຫວັດ ເປັນຊ່າງແປງຣົຖຖີບທີ່ມີຄວາມສາມາດສະຫລາດສ່ອງໃສຫລາຍ ກ້າສ່ຽງເອົາດິນດອນຕ່ອນຫຍ້າທີ່ປະຊາຊົນທໍາມາຫາກິນລ້ຽງຊີບໄປແລກປ່ຽນກັບສະໜາມກິລາ. __________________

Page 1 of 1 sorted by

Create your own FREE Forum
Report Abuse