LaoForum ລາວໂຟຣາມ ເວບໄຊເພື່ອຄົນລາວ

ລັກສະນະ​ການ​ບໍລິການຜະລິດ​ຕະພັນ ອິນ​ເຕີ​ເນັດ​ແບັງ​ຄິງ

ການ​ບໍລິການ​ອິນ​ເຕີ​ເນັດ​ແບັງ​ຄິງຂອງ​ທະນາຄານ​ການ​ຄ້າ​ຕ່າງປະ​ເທດ​ລາວ ​ເປັນ​ການ​ບໍລິການ​ເພື່ອ​ເຮັດ​ໃຫ້​ລູກ​ຄ້າ​ສາມາດ​ເຮັດ​ລາຍການ​ທຸລະ​ກຳ​ທາງ​ດ້ານ​ການ​ເງິນ​ຂອງ​ລູກ​ຄ້າ​ຜ່ານ​ທາງ​ອິນ​ເຕີ​ເນັດ ​ໂດຍ​ລູກ​ຄ້າ​ສາມາດ​​ໃຊ້​ບໍລິການ​ໄດ້​ຕະຫລອດ 24 ຊົ່ວ​ໂມງ.
       ການ​ບໍລິການ​ອິນ​ເຕີ​ເນັດ​ແບັງ​ຄິງຂອງ​ທະນາຄານ​ການ​ຄ້າ​ຕ່າງປະ​ເທດ​ລາວ ມີ​ລາຍ​ລະອຽດ​ດັ່ງ​ລຸ່ມ​ນີ້:

• ສອບ​ຖາມ​ຂໍ້​ມູນ​ຍອດ​ເຫລືອ​ບັນຊີ  ( Account Balance Inquiry)
• ສອບ​ຖາມ​ການ​ເຄື່ອນ​ໄຫວ​ບັນຊີ  ( Account Statement Inquiry)
• ​​ໂອນ​ເງິນ​ລະຫວ່າງ​ບັນຊີ​ຕົນ​ເອງ ຫລື ​​ໄປ​ຍັງ​ບັນຊີ​ບຸກຄົນ​ອື່ນ  ( Inter-Account Funds Transfer to owner or other account)
• ສອບຖາມ​ຂໍ້​ມູນ​ອັດຕາ​ແລກປ່ຽນ ( Exchange Rate Inquiry)
• ສອບ​ຖາມ​ຂໍ້​ມູນ​ອັດຕາ​ດອກ​ເບັ້ຍ​ເງິນ​ຝາກ ( Deposit Interest Rate  Inquiry)
• ສອບ​ຖາມ​ຂໍ້​ມູນ​ອັດຕາ​ດອກ​ເບັ້ຍ​ເງິນ​ກູ້ ( Loan Interest Rate Inquiry)

ຂັ້ນ​ຕອນ​ການ​ສະຫມັກ

ລູກ​ຄ້າ​ໃຫມ່
ລູກ​ຄ້າ​ທີ່​ມີ​ບັນຊີ​ເງິນ​ຝາກ​ປະຢັດ ຫລື ກະ​ແສ​ລາຍ​ວັນ ຢູ່​ນຳ​ທະນາຄານ​ການ​ຄ້າ​ຕ່າງປະ​ເທດ​ລາວ ສາມາ​ມາດ​ມາລົງທະ
ບຽນ​ນຳ​ໃຊ້​ຜະລິດ​ຕະພັນ Internet  Banking ນຳ​ທະນາຄານ​ການ​ຄ້າ​ຕ່າງປະ​ເທດ​ລາວ ທຸກ​ສາຂາ​ໃນທົ່ວປະ​ເທດ. ທະ
ນາຄານ​ພວກ​ເຮົາມີ​ແບບ​ຟອມ​ໄວ້​ໃຫ້​ທ່ານ​ປ້ອນ​ຂໍ້​ມູນ​ສ່ວນ​ຕົວ​ໃຫ້​ຄົບຖ້ວນ ຖ້າເປັນ​ບຸກຄົນຕ້ອງ​ມີເອກະສານຄັດ​ຕິດ​ມີສຳ​ເນົາ​ບັດປະຈຳຕົວ, ຖ້າ​ເປັນນິຕິບຸກຄົນ​ໃຫ້​​ສຳ​ເນົາ​ທະບຽນ ຫລື ​ໃບ​ອະນຸຍາດ​ດຳ​ເນີນ​ທຸລະ​ກິດ ( ບໍ່​ໃຫ້​ຫມົດ​ກຳນົດ ). ທະນາຄານ​ຈະ​ມອບ​ຄູ່​ມື​ວິທີ​ການ​ນຳ​ໃຊ້, ​ເງື່ອນ​ໃຂຕ່າງໆຂອງ​ຜະລິດ​ຕະພັນ. ພະນັກງານ​ທະນາຄານ​ຈະ​ໄດ້ອະທິບາຍ​ໃຫ້​ລູກ​ຄ້າ​ຊາບ​ກ່ຽວ​ກັບ​ກອັດ​ຕາ​ຄ່າ​ທຳນຽມ​ໃນ​ການ​ໃຊ້​ບໍລິການຂອງ​ລະບົບ​ອິນ​ເຕີ​ເນັດ​​ແບັງ​ຄິງ ທຄຕລ. ​
ເມື່ອ​ທ່ານ​ສະຫມັກ​ນຳ​ໃຊ້​ຜະລິດ​ຕະພັນ Internet  Banking ນຳ ທຄຕລ ​ແລ້ວ ທະນາຄານ​ຈະ​ໄດ້​ມອບລະຫັດສ່ວນ​ຕົວ ( PIN ) ຂອງ​ຜູ້​ຊົມ​ໃຊ້​ລະບົບ​ໃນ​ມື້, ​ເມື່ອ​ທ່ານ​ໄປ​ນຳ​ໃຊ້​ຄັ້ງ​ທຳ​ອິດ​ໃນ​ການ​ເຂົ້າ​ລະບົບການ​ບໍລິການ​ Online ຂອງ​ພວກ​ເຮົາ​ລະບົບຈະ​ບັງຄັບ​ໃຫ້​ທ່ານ​ປ່ຽນ​ລະຫັດ​ສ່ວນ​ຕົວ​ກ່ອນ​ຈີ່​ງສາມາດດຳ​ເນີນ​ທຸລະ​ກຳ​ຕ່າງໆ​ໄດ້.
​ເມື່ອ​ທ່ານ​ສະຫມັກ​ຂໍ​ນຳ​ໃຊ້​ບໍລິການ​ຜະລິດ​ຕະພັນ Internet  Banking ນຳ​ພວກ​ເຮົາ ທະນາຄານ​ຈະ​ມອບ​ອຸປະກອນ​ເສີມ​ຄວາມ​ປອດ​ໄພ​ໃຫ້ທ່ານ​ເພື່ອ​ນຳ​ໃຊ້​ລະຫັດ​ທີ່​ສ້າງ​ຂື້ນ​ຈາກ​ເຄື່ອງ​ອຸປະກອນ​ດັ່ງກ່າວ​ເຂົ້າ​ລະບົບ​ການ​ບໍລິການ Online ຂອງ​ທະນາຄານການ​ຄ້າ​ຕ່າງປະ​ເທດ​ລາວ, ລະຫັດ​ດັ່ງກ່າວ​ເປັນ​ລະຫັດ​ໃຊ້​ໄດ້​ຄັ້ງ​ດຽວ ເພື່ອ​ຮັບປະກັນ​ຄວາມ​ປອດ​ໄພ​ສູງສຸດ
ຂອງຂໍ້​ມູນ​ລູກ​ຄ້າ. ທະນາຄານ​ຈະ​ໄດ້​ອະ​ທິບາຍ​ກ່ຽວ​ກັບ​ການ​ນຳ​ໃຊ້​ອຸປະກອນ​ດັ່ງກ່າວ.
ຄ່າ​ໃຊ້​ຈ່າຍ​ໃນ​ການ​ໃຊ້​ບໍລິການ​ຜະລິດ​ຕະພັນ Internet  Banking ນອກຈາກ​ລູກ​ຄ້າ​ຈະ​ໃດ້​ເສັຍ​ຄ່າ​ທຳນຽມ​ສະຫມັກ, ​ເສັຍ​ຄ່າ​ທຳນຽມ​ບໍລິການ​ເປັນ​ລາຍ​ເດືອນ​ແລ້ວ ຍັງຈະ​ມີ​ຄ່າ​ໃຊ້​ຈ່າຍ​ໃນ​ການຊື້​ອຸປະກອນ​ເສີມ​ຄວາມ​ປອດ​ໄພ​​ອີກ​​ໃນ​ລາຄາອີງ​ຕາມ​ຄວາມ​ເປັນ​ຈິງ.